Kjúklingasalat með stökkum hrísgrjónum

Stökk hrísgrjón

• 200 g hrísgrjón (eða tveir pokar)
• 1 msk. ólífuolía
• 1 tsk. paprikukrydd, óreganó og hvítlauksduft

Kjúklingur

• 4 stk. kjúklingabringur (3-4 stk.)
• 2 msk. ólífuolía
• 2 tsk. malað túrmerik
• 2 tsk. kúmen
• 1 tsk. kanill
• 1 tsk. hvítlauksduft
• ½ tsk. svartur pipar

Salat

• 1 stk. gúrka, skorin í bita
• 1 askja kirsuberjatómatar, skornir í tvennt
• ½ stk. rauðlaukur, sneiddur fínt (má vera meira)
• 6 stk. litlar súrar gúrkur, skornar í litla bita
• 1 lúka fersk mynta, söxuð smátt
• 80 g salat

Jógúrtsósa

• 200 g grísk jógúrt
• 2 msk. tahini
• 2 msk. ólífuolía
• 1 stk. sítróna, safinn
• 2 stk. hvítlauksrif
• 1 tsk. flögusalt
• 1 msk. hunang eða hlynsíróp fyrir sætleika

Aðferð:

1. Byrjið á að sjóða hrísgrjónin og hita ofninn í 200°C.
2. Setjið svo soðin og örlítið kæld hrísgrjón á bökunarplötu og blandið saman við þau ólífuolíu og kryddi, 1 tsk. af hverju kryddi.
3. Bakið grjónin í 30–35 mínútur og hrærið einu sinni um miðbik tímans en fylgist með svo þau brenni ekki.
4. Á meðan hrísgrjónin eru í ofninum skerið þá kjúklinginn og steikið svo á pönnu ásamt kryddinu.
5. Skerið niður öll hráefnin fyrir salatið og setjið í stóra skál.
6. Látið kjúklinginn kólna örlítið áður en þið setjið hann ofan á salatið.
7. Takið hrísgrjónin úr ofninum og kælið örlítið.
8. Gerið næst sósuna og setjið öll innihaldsefnin í matvinnsluvél eða notið töfrasprota og blandið saman þar til sósan er orðin silkimjúk.
9. Bætið kjúklingnum og stökkum hrísgrjónum ofan á salatið og hellið að lokum sósunni yfir.
10. Berið fram og njótið.