Ómótstæðilega góður grillaður lax með mangósósu
Grillaður lax borinn fram með mangósósu og grillaðri papriku er sælgæti að njóta. Smá rifið mangó gerir máltíðiina girnilega og ferska.
Ljósmynd/Inga Elsa Bergþórsdóttir
Setja bókamerki
Á sumrin er fátt betra en grillað sjávarfang og litríkt og ferskt meðlæti. Þessi uppskrift að grilluðum lax sem borinn er fram með mangósósu er ómótstæðilega girnileg og þá má líka vera með bleikju eða lúðu í staðinn fyrir laxinn. Rétturinn er borinn fram með mangósósu, rifnu mangói, grillaðri papriku og handfylli af salatblöðum.
Heiðurinn af þessari uppskrift á Inga Elsa Bergþórsdóttir matgæðingur en réttinn gerði hún fyrir uppskriftavefinn Gott í matinn.
Grillaður lax með mangósósu
Fyrir 4
- 800 g lax
- salt og pipar eftir smekk
- olía eftir smekk og þörfum
Aðferð:
- Hitið grillið vel.
- Smyrjið olíu á grillgrindurnar og á fiskinn. Gott er að nota fiskiklemmu undir flakið.
- Grillið laxinn í 3–4 mínútur, fyrst á roðlausu hliðinni og síðan 3–4 mínútur á roðhliðinni.
- Saltið og piprið eftir smekk.
- Berið strax fram heitt með mangó-sósunni, rifnu mangói, grillaðri papriku og handfylli af salatblöðum (sjá uppskriftir fyrir neðan).
Mangósósa
- 180 g sýrður rjómi 10% frá Gott í matinn (1 dós)
- 1 stk. mangó, afhýtt og skorið í litla bita
- 1⁄2 stk. límóna, safi og fínrifinn börkur
- 3 sneiðar jalapeño-pipar í krukku
- ögn af karrídufti
Aðferð:
- Maukið allt saman með töfrasprota eða í matvinnsluvél.
- Geymið í kæli á meðan laxinn er grillaður.
Tillaga að meðlæti
- 1 stk. mangó, afhýtt og grófrifið
- handfylli af salati
- 1 stk. grilluð rauð paprika, skorin í strimla
Óvænt bakslag á Barónsstíg: Leyfið afturkallað
Vill læsa Palestínumenn inni í rústum Rafah
Stjórnarandstaðan „hleypi lýðræðinu ekki í gegn“
Framsögumaður í stjórn strandveiðiútgerðar
Fíkniefnaframleiðslan „keðja um allt land“
Ein stærsta rannsókn Evrópu: Fimmtán grunaðir
Yfir 160 manns enn saknað í Texas
Veit ekki hvað felst í 180 þúsund kr. kostnaðinum