Árni afhjúpar leyndardóminn bakvið pítsubaksturinn
Setja bókamerki
Árni Þorvarðarson bakarameistari og fagstjóri við Hótel- og matvælaskólann í Kópavogi er gestur Sjafnar Þórðardóttur, í þættinum Logandi ljúffengt, að þessu sinni. Árni hefur mikla ástríðu fyrir pítsubakstri og elskar fátt meira en að nostra við pítsurnar.
Hann leikur listir sínar í þættinum og afhjúpar leyndardóminn bakvið pítsubaksturinn þegar alvöru ítalskar pítsur skal gjöra.
„Þegar við bökum margaritu-pítsu erum við ekki bara að gera máltíð, við erum að endurskapa sneið af sögunni. Þessi pítsa, sem á rætur sínar að rekja til Napólí árið 1889, var upprunalega bökuð til heiðurs ítölsku drottningunni Margheritu af Savoy. Síðan er það pestó-pítsan sem er bragðmikil, hæfilega einföld og skemmtileg uppskrift sem er góður valkostur fyrir þá sem vilja njóta ítalskrar matarhefðar,“ segir Árni.
Sjón er sögu ríkari.
Margarita- ítalska drottningin
- 2-4 stk. tilbúið pítsadeig frá Shake&Pizza
- Maukaðir tómatar frá Olifa
- 1 mozzarella kúla
- Fersk basilíkublöð eftir smekk
Aðferð:
- Bakið eins og Napólí-bakarar.
- Takið kúlurnar út um 2 klukkustundum áður en þið bakið.
- Fletjið út með höndunum á tréspaða, ekki með kökukefli, líkt og gert er í myndbandinu.
- Smyrjið tómatmaukið á botninn eftir smekk, passið að setja ekki alveg út í endana.
- Rifið niður mozzarellakúluna og dreifið.
- Settu á vel upphitaðan pítsasteininn í útipítsu-ofninum og bakið við 300–400°C (ef mögulegt) í 60–90 sekúndur.
- Munið að snúa pítsunni þrisvar meðan hún er í ofninum á þessum tíma til að hún bakist jafnt á öllum hliðum, sjá myndband.
- Takið út og skreytið með basilíkulaufblöðum eftir smekk.
- Berið fram á kringlóttum viðarplatta og njótið.
Pesto-pítsa
- 2-4 stk. tilbúið pítsadeig frá Shake&Pizza
- Grænt pestó frá Ítalía
- Rauðlaukur eftir smekk, skorinn í ræmur
- Klettasalat eftir smekk
- Hvítlaukstopping frá Shake&Pizza
- 1 mozzarella kúla
Aðferð:
- Bakið eins og Napólí-bakarar.
- Takið kúlurnar út um 2 klukkustundum áður en þið bakið.
- Fletjið út með höndunum á tréspaða, ekki með kökukefli, líkt og gert er í myndbandinu.
- Smyrjið pestó á botninn eftir smekk, passið að setja ekki alveg út í endana.
- Dreifið rauðlauknum á pítsuna eftir smekk.
- Rifið niður mozzarellakúluna og dreifið.
- Settu á vel upphitaðan pítsasteininn í útipítsu-ofninum og bakið við 300–400°C (ef mögulegt) í 60–90 sekúndur.
- Munið að snúa pítsunni þrisvar meðan hún er í ofninum á þessum tíma til að hún bakist jafnt á öllum hliðum, sjá myndband.
- Takið pítsuna út og setjið á kringlóttan viðarplatta, dreifið klettasalati yfir og toppið með hvítlaukstopping dressingu frá Shake&Pizza.
- Berið fram og njótið.
Allt hráefnið fæst í Hagkaup.
Dómurinn áfellisdómur yfir löggjafanum
Íbúðum í byggingu fækkar um land allt
Lítið fer fyrir sleggju Kristrúnar
Fánarnir verða dregnir upp að nýju
Skorið á böndin á fánum Úkraínu og Palestínu
Veit ekki hvað felst í 180 þúsund kr. kostnaðinum
500 manns á biðlista og 200 að auki í biðrýmum