Kókoshjúpaðir þorskhnakkar með kúskússalati og wasabisósu

Þorskhnakkar

• 4 stk. þorskhnakkar
• Svartur pipar eftir smekk
• 2 msk. smurostur og beikon
• 1 ¼ dl kókosmjöl
• 1 dl möndlumjöl
• 1 msk. fínsöxuð fersk mynta
• 1 msk. ólífuolía

Kúskússalat

• 2 ½ dl kúskús
• 2 ½ dl sjóðandi vatn
• 1⁄2 stk. grænmetisteningur
• 1 msk. rifinn appelsínubörkur
• 1 msk. rifinn sítrónubörkur
• 1 dl pistasíuhnetur, saxaðar
• 2 dl þurrkuð trönuber, söxuð
• Handfylli af fersku kóríander, saxað
• Handfylli af ferskri myntu, söxuð
• Tvö handfylli af spínati, saxað
• 1 msk. ólífuolía
• Svartur pipar eftir smekk

Wasabisósa

• 1 ½ dl sýrður rjómi frá Gott í matinn
• 1 msk. hrísgrjónaedik
• 1⁄2 msk. wasabimauk, meira ef vill eða fersk wasabirót, rifin niður
• 1 stk. límóna

Aðferð:

1. Stillið ofninn á 180°.
2. Byrjið á að gera sósuna.
3. Hrærið sýrðum rjóma, hrísgrjónaediki og wasabi saman.
4. Smakkið til með límónusafa og meira wasabimauki/wasabirót ef vill.
5. Setjið þorskhnakkastykkin í olíuborið eldfast fat, eða á bökunarplötu klædda bökunarpappír. Piprið.
6. Bræðið smurost í potti á mjög lágum hita.
7. Smyrjið honum yfir fiskstykkin.
8. Blandið saman kókosmjöli, myntu, möndlumjöli og olíu og þekið fiskstykkin með blöndunni.
9. Bakið í 15-20 mínútur.
10. Setjið kúskús í skál sem þolir háan hita og myljið grænmetistening ofan á.
11. Hellið síðan sjóðandi vatninu yfir og hyljið með plastfilmu.
12. Látið standa í 10 mínútur.
13. Blandið síðan öðrum hráefnum saman við sem eiga að fara í salatið og smakkið til með svörtum pipar.
14. Berið fram og njótið.