Draumaskál fyrir þá sem elska hnetusmjör og súkkulaði
Grískt jógúrt borin fram með djúsítopp með hnetum, bráðnu súkkulaði og sjávarsalti sem gefur ómótstæðilegan karamellukeim.
Ljósmynd/Linda Ben
Setja bókamerki
Uppskriftahöfundurinn Linda Ben deildi með fylgjendum sínum uppskrift að þessari guðdómlegu góðu skál með grísku jógúrti, hnetusmjöri og súkkulaði sem margir slefa yfir.
Hér fær gríska jógúrtið á sig djúsítopp með hnetum, bráðnu súkkulaði og sjávarsalti sem gefur ómótstæðilegan karamellukeim. Þetta er einföld, próteinrík og ótrúlega góð uppskrift – hvort sem ykkur langar í fljótlegan morgunmat, millimál eða sæta eftirréttaskál sem þið getið notið með góðri samvisku.
Próteinrík grísk jógúrtskál með hnetusmjöri og súkkulaðitoppi
- 200 g létt grísk jógúrt frá Örnu Mjólkurvörum
- 1 tsk. hunang
- 2-3 msk. hnetusmjör
- ½ msk. salthnetur (má sleppa)
- 30 g dökkt súkkulaði
- Sjávarsalt
Aðferð:
- Setjið létt gríska jógúrtið í glas eða skál og blandið saman við það hunanginu.
- Skerið hneturnar niður og setjið ofan á gríska jógúrtið ásamt hnetusmjöri.
- Bræðið dökka súkkulaðið og setjið ofan á hnetusmjörið ásamt örlitlu sjávarsalti.
- Berið fram kalt og njótið.
/frimg/1/60/94/1609414.jpg)
„Ég verð rekinn eftir tvö ár“
Heyrði ekkert í nýjum heilbrigðisráðherra
Guðrún: Erfið ákvörðun
Guðrún skaut fast á ríkisstjórnina
„Nei, við áttum sko alls ekki von á þessu“
Óttast um atvinnuréttindi sín
„Setja allan fyrirvara heimsins“
Athugun á meðferðarheimilum: „Risastórt verkefni“