Ísland mætt á Evrópumótið í kokteilagerð
Setja bókamerki
Íslensku strákarnir í barþjónabarnsanum eru mættir á Evrópumeistaramótið í kokteilagerð sem fram fer á lúxusskipi um Miðjarðarhafið. Pétur Hafsteinn Úlfsson Kolka, yfirbarþjónn á OTO, er um borð í glæsilega skemmtiferðaskipinu Costa Favolosa þar sem mótið fer fram. Hann keppir með eigin kokteil, Vita Agrodolce, undir styrkri handleiðslu þjálfarans Grétars Matthíassonar sem er hokinn keppnisreynslu og margfaldur Íslandsmeistari í kokteilagerð að því fram kemur í tilkynningu frá Barþjónaklúbbi Íslands.
Keppnin er í Long Drink-flokki og taka alls 23 þjóðir þátt. Skipið siglir frá Genóa til Barcelona, þaðan til Marseille og svo aftur heim til Genóa, með keppendur, sendinefndir eru um borð. Mikið er um dýrðir á mótinu og gleðin er allsráðandi.
Pétur er fullur sjálfstrausts og segir markmiðið einfalt:
„Við ætlum að koma með gullið heim. Ekkert annað er í boði.“ Hann hefur stundað stífar æfingar fyrir mótið undir handleiðslu þjálfarans síns, Grétars, sem er hokinn reynslu og þekkingu á mótum sem þessum.
Þeir sem vilja fylgjast með ævintýraför þeirra geta fylgst með ferðinni á Instagram Barþjónaklúbbs Íslands hér.
„Ætlað að verða bygging á heimsvísu“
Vill innleiða fyrirkomulag sem borgin er andvíg
Öll börn eiga að fá sitt tækifæri í lífinu
Fjársvikamálið teygir sig lengra aftur í tímann
Væntingarnar miklar og fallið gæti orðið hátt
Ríkislögreglustjóri birtir gögnin: „Atvikið“ rýrt traust
Ný 114 km byggðalína um Húnavatnssýslur
Fékk gögnin frá Sigríði Björk um miðnætti