Tælensk risarækjusúpa

Fyrir 4

• 1 dl hrísgrjón soðin í 2 dl vatni
• 3 msk.smjör
• 400 g risarækjur, afþýddar
• 3 stk. hvítlauksgeirar
• 1 stk. laukur
• 1 msk.rauð paprika
• 2 cm ferskt engifer
• 4 tsk. rautt karrí paste
• 1 tsk. karrí
• 3 dl matreiðslurjómi frá Gott í matinn
• 400 mlkókosmjólk í dós
• 1 l vatn
• 2 stk. grænmetisteningar
• 4 msk.ferskt kóríander
• 1 límóna, safinn
• Salt og pipar eftir smekk

Aðferð:

1. Byrjið á því að sjóða hrísgrjónin í 2 dl af vatni.
2. Gott er að slökkva undir hrísgrjónunum þegar vatnið er alveg að verða búið og setja lokið á pottinn, þannig klárast þau að eldast í gufunni.
3. Setjið smjör á pönnu, setjið rækjurnar á pönnuna ásamt salti og pipar og steikið þar til þær eru tilbúnar. Passið ykkur að elda þær ekki of mikið því þá verða þær seigar. Gott er að elda þær í um 3 mínútur á hvorri hlið.
4. Þegar rækjurnar eru fulleldaðar setjið þær í skál og geymið þar til súpan er tilbúin.
5. Þeir sem nota eldaðar rækjur þurfa ekki að steikja þær heldur setja þær beint ofan í súpuna.
6. Skerið lauk, papriku og hvítlauk niður og steikið á pönnunni.
7. Rífið engifer saman við og hrærið saman.
8. Bætið rauðu karríi og karríi saman við ásamt kókosmjólk og rjóma.
9. Blandið vatni saman við ásamt grænmetisteningunum og hrærið þar til súpan fer að sjóða.
10. Gott er að leyfa súpunni að sjóða í rúmar 10 mínútur til að leyfa henni þykkna.
11. Setjið hrísgrjónin saman við ásamt rækjunum og kóríander.
12. Berið fram með nýbökuðu brauði að eigin vali.