Vatnsmelónudraumur Unnar er frískandi
Setja bókamerki
Unnur Pálmarsdóttir deilir með lesendum frískandi detox-drykk, ljósrauðum drykk sem heitir einfaldalega Vatnsmelónudraumur Unnar. Hann á vel við þessa dagana þar sem dagurinn er farinn að styttast og myrkrið sækir á. Það er svo gott að fá hressandi drykk sem minnir á sumarið og gefur orku inn í daginn.
Unnur er eigandi Fusion Fitness Academy, hóptímakennari og þjálfari hjá Kötlu Fitness, einkaþjálfari og mannauðsráðgjafi, svo fátt sé nefnt. Jafnframt starfar hún sem fararstjóri, gjarnan á suðrænum slóðum þar sem sólin skín. Það er aldrei lognmolla í kringum Unni – hún vill helst hafa marga bolta á lofti í einu og nýtur þess að vera til.
„Þessi hressandi detox-drykkur hentar öllum sem vilja ferskleika og kraft í lífið. Vatnsmelónudrykkur byrjar með þroskuðum og safaríkum vatnsmelónum,“ segir Unnur.
Það er heilsufarslegur ávinningur að fá sér þessa blöndu en vatnsmelónur eru ríkar af A- og C-vítamínum, sem og kalíum- og B6-vítamínum. Þær innihalda einnig sítrúlín, sem er amínósýra sem slakar á vöðvum og getur unnið gegn streitu og háum blóðþrýstingi.
Vatnsmelónudraumur Unnar
Veljið magn eftir ykkar hentugleikum
- Vatnsmelóna skorin í bita að vild
- Frosið mangó
- Frosin jarðarber að vild
- Agúrka, nokkrar sneiðar
- 2-3 dl kókosvatn
- Klakar eftir þörfum
Aðferð:
- Setjið allt hráefnið nema klaka í blandara og hrærið saman þar til drykkurinn er tilbúinn.
- Hellið í fallegt glas og fyllið upp með klökum eftir smekk.
- Berið fram og njótið hvers sopa.
„Við munum nota öll úrræði sem okkur standa til boða“
Tjónið hleypur á hundruðum milljóna króna
Segir vaxtaviðmið Seðlabanka kynnt í dag
„Setja allan fyrirvara heimsins“
Fagnar upprunanum og neitar að biðjast afsökunar
Komi í ljós á næstunni hvort viðmiðið dugi
Niðrandi ummæli um húðlit ekki í anda hins látna