Þá verður komið á sameiginlegri yfirstjórn yfir Þjóðleikhúsið, Óperuna og Íslenska dansflokkinn, en fyrsta skrefið hefur þegar verið stigið með stofnun Óperunnar innan Þjóðleikhússins í sumar.

Frétt af mbl.is

Framtíð óperulistar tryggð

Hagræðingar í háskólakerfinu

Í tilkynningunni kemur fram að viðræður séu í gangi um sameiningu Háskólans á Akureyri og Bifrastar og að niðurstöðu þeirra sé að vænta á næstu mánuðum.

Auk þess hefur Háskólinn á Hólum undirritað samkomulag við Háskóla Íslands um stofnun háskólasamstæðu sem stefnt er á að taki til starfa í áföngum frá 2026.

Einnig er í skoðun að Keldur og Landbúnaðarháskóli Íslands muni starfa saman undir merkjum þeirrar háskólasamstæðu.

Frétt af mbl.is

Hagrætt fyrir 107 milljarða: Daði mjög spenntur

Logi Einarsson, menningar-, nýsköpunar- og háskólaráðherra. mbl.is/Karítas

Auka notkun gervigreindar í stjórnsýslu og heilbrigðiskerfi

Á sviði nýsköpunar og vísinda verður fjöldi samkeppnissjóða skertur úr átta í fjóra í þágu aukinnar skilvirkni, svo aukið fé skili sér til verkefna og lægri umsýslukostnaðar, að því er segir í tilkynningunni.

Jafnframt stendur til að endurskoða endurgreiðslur vegna kvikmyndaframleiðslu og auka notkun gervigreindar í stjórnsýslu og heilbrigðiskerfinu.

Samkvæmt ráðuneytinu miða allar breytingarnar að því að lækka rekstrarkostnað, tryggja skilvirkari stuðning við menningu, vísindi og háskólastarf og styrkja þjónustu við almenning.