Frakkinn Martin Fourcade vann sín fimmtu gullverðlaun á Vetrarólympíuleikum þegar Frakkar tryggðu sér sigurinn blandaðri boðgöngu í skíðaskotfimi í Pyeongchang í Suður-Kóreu í dag.
Fourcade er þar með orðinn sigursælasti franski íþróttamaðurinn í sögu Ólympíuleikanna. Þetta voru hans þriðju gullverðlaun í Pyeongchang og þá vann hann til tvennra gullverðlauna á Vetrarólympíuleikunum í Sochi í Rússlandi fyrir fjórum árum.
Norðmenn unnu til silfurverðlauna og Ítalir til bronsverðlauna.