Loftgæði í Norður-Kaliforníu eru sögð hin lökustu í heiminum eftir mannskæðustu skógarelda sem svæðið hefur kynnst. Mikið er leitað að reykgrímum á netinu.
Purple Air, samtök sem rannsaka loftgæði, sögðu í gær að loftgæðin í Norður-Kaliforníu væru orðin verri en á menguðustu svæðum í Indlandi og Kína. Skólastarf hefur víða verið lagt af, flugum frestað og fólk reynir í óðaönn að kaupa sér reykgrímur á netinu.
Minnst 63 eru látnir í hamförunum og tala þeirra sem er saknað rauk upp í morgun og nú er talað um að fleiri en 631 sé saknað eftir eldana.