„Ég trúi ekki á drauga,“ segir Pétur Jóhann Sigfússon sem leitar nú engu að síður að ábendingum um staði þar sem sagt er reimt, eða draugar á ferli. Ástæðan er ný sjónvarpsþáttasería sem hann og Ragnar Eyþórsson framleiða fyrir Stöð 2 í vetur.
Í spjalli við Huldu og Loga sagðist hann spenntur fyrir verkefninu, en tökur hefjast í febrúar og þá munu þeir Pétur og Ragnar flakka um landið og gista á eyðibýlum ásamt einum gesti, eða viðmælanda þáttarins, sem verður einhver þekktur Íslendingur.
Pétur segist ekki trúa á drauga en hann segir Eyþór hins vegar mjög næman og því aldrei að vita hvernig þeir upplifi hvern stað um sig. Þeir félagar óska nú eftir ábendingum um áhugaverða tökustaði á draugar@stod2.is og munu tökur fara fram í öllum landsfjórðungunum.
Viðtalið úr síðdegisþættinum á K100 við hinn óborganlega Pétur Jóhann má nálgast hér að neðan.