Hugh Grant bað óprúttna aðila sem brutust inn í bíl hans á dögunum að skila því sem þeir tóku. Breski leikarinn reyndi að ná til þjófanna í gegnum Twitter. Af öllu því sem var tekið er handritið að Paddington 2 leikaranum kærast.

Bað hann fólk sem þekkti til þeirra sem stálu tösku úr bíl hans að biðja þjófana um að skila handritinu. Sagði hann margra vikna vinnu af punktum og hugmyndum hafa verið skrifaðar á handritið. Einnig var hann til í að fá sjúkraskírteini barna sinna aftur.