Friðleifur Ingi Brynjarsson, sérfræðingur hjá Vegagerðinni, segir það sæta tíðindum að umferðin á höfuðborgarsvæðinu í febrúar hafi verið meiri en sumarmánuðina 2016.

Summa meðalumferðar á dag var 122.063 bílar í febrúar árið 2011 en 165.020 bílar í febrúar sl. Það er aukning um 43 þúsund bíla.

Til samanburðar eru nú 48 þúsund fleiri fólksbifreiðar í umferð en árið 2013 og 12.600 fleiri bílaleigubílar.

Um 224 þúsund fólksbílar voru í umferð fyrir páskahelgina sem samsvarar um það bil 560 bílum á hverja þúsund íbúa í landinu, að því er fram kemur í umfjöllun um mál þetta í Morgunblaðinu í dag.