Jennifer Lopez er meðal kvenna í Hollywood sem ræða stöðu kvenna í viðtali á vef The Hollywood Reporter. Lopez rifjaði upp þegar leikstjóri bað hana um að fara úr að ofan til þess eins að sjá brjóst hennar. 

Lopez nefnir ekki leikstjórann á nafn en segir að hann hafi beðið hana um að fara úr að ofan þegar hún var í mátun. Lopez átti að vera í nektarsenu í myndinni en það var ekki raunveruleg ástæða þess að hann bað um að sjá brjóst hennar. 

„Hann vildi sjá brjóstin mín,“ sagði Lopez en svaraði fyrir sig og sagðist ekki vera á setti. 

Lopez segist hafa staðið upp fyrir sjálfri sér og sagt nei. Hún hafi hins vegar verið mjög hrædd. Hún var þó ekki ein í herberginu þar sem búningahönnuðurinn var einnig í herberginu. Lopez ólst upp í Bronx-hverfinu í New York og birtist það í henni þegar hún stóð uppi í hárinu á leikstjóranum. 

„Ég verð ekki að sýna þér á mér — nei. Á tökustað sérðu þau,“ segist Lopez hafa sagt. 

Lopez segist hafa sett mörk og seinna fengið afsökunarbeiðni frá leikstjóranum. Búningahönnuðurinn sem var inni í herberginu þegar þetta átti sér stað var hins vegar miður sín. „Mér þykir þetta svo leitt, mér þykir svo leitt að þetta hafi gerst,“ segir Lopez að búningahönnuðurinn hafi sagt við hana um leið og leikstjórinn yfirgaf herbergið.