Tveir eru í haldi lögreglunnar í London grunaðir um að hafa valdið skemmdarverki á gosbrunnunum á Trafalgar-torgi með því að lita vatn brunnanna rautt.
Gjörningurinn var framinn í tengslum við mótmæli gegn verksmiðjubúskap og segja mótmælendur hendur breskra stjórnvalda blóði drifnar í þeim efnum.
Mótmælin fóru fram á vegum Animal Rebellion síðdegis í dag, laugardag, og óðu sumir mótmælendur í blóðrauðu vatninu og kváðu hagnýtingu manna á dýrum hafa valdið kórónuveirufaraldrinum.