Leyndardómurinn á bak við dúnmjúkar bananabollur, er að setja nóg af banana og örlítið af sætu hunangi í blönduna – þá verður uppskriftin alveg ómótstæðileg. Hér má einnig bæta við 50 g af söxuðum hnetum til að fá enn betra bragð í bollurnar.
Mjúkar bananabollur með súkkulaði
- 25 g ger
- 2,5 dl volgt vatn
- 1 dl hrein jógúrt
- 2 msk. hunang
- 2 msk. bráðið smjör
- 1 tsk. salt
- 2 egg
- 3 þroskaðir bananar
- 9 dl hveiti
- 3 dl haframjöl
- 100 g dökkt súkkulaði
Aðferð:
- Leysið gerið upp í vatni.
- Setjið hunang, salt, bráðið smjör, jógúrt og eitt egg í skál, og hrærið vel saman.
- Bætið haframjöli og hveiti saman við – en deigið á að vera þykkt og klístrað.
- Maukið bananana og saxið súkkulaðið gróflega. Blandið varlega saman við deigið.
- Látið hefast við stofuhita í klukkutíma eða yfir nótt í kæli.
- Skiptið deiginu upp í 12 bollur með matskeið og setjið á bökunarpappír á bökunarplötu.
- Látið hefast í 30 mínútur.
- Penslið með eggi.
- Bakið í ofni við 200° í 20 mínútur, eða þar til gylltar á lit.