Þétt var setið og mikið um skemmtanir á Englandi í gær þegar veitingastaðir og barir opnuðu aftur eftir að lokunum var aflétt.

Á samfélagsmiðlum má sjá mikinn fögnuð fólks sem var augljóslega mjög fegið að geta loksins átt nokkuð eðlilegt líf og þrátt fyrir að sérfræðingar hafi biðlað til fólks að virða fjarlægðartakmörk og fara gætilega má greinilega sjá að margir hafi virt þau orð að vettugi.