Stjörnufréttir Evu Ruzu:
Nick Cannon, kynnir þáttanna „Masked Singer“, á von á öðru setti af tvíburum. Nick á tvíbura með söngdívunni Mariuh Carey og 3 ára son og 3 mánaða dóttur með Brittany Bell.
Það er greinilega nóg að gera hjá Nikka, því núna eru fleiri börn á leiðinni, í þetta sinn með Abby De La Rosa. Abby er plötusnúður og hefur verið dugleg að sýna frá meðgöngunni á Instagram. Hún hefur samt aldrei nefnt Nick sem föður barnanna, fyrr en í janúar á þessu ári. Þá sagði hún frá því að Nick væri baby daddy.
Nick hefur sem sagt verið iðinn við kolann samkvæmt mínum upplýsingum, fyrst hann á nú þegar 3 mánaða barn og á von á tvíburunum eftir tvo mánuði. En ég meina, það mega allir gera það sem þeir vilja, og að fjölga mannkyninu er gott og blessað.
Abby og Nick eru saman – í augnablikinu – og verða það vonandi áfram.
Frétt frá: Usmagazine.