Hagstofa Íslands áætlar að 8.380 störf hafi verið laus á þriðja ársfjórðungi en á sama tíma voru 222.797 störf mönnuð á íslenskum vinnumarkaði. Hlutfall lausra starfa er því 3,6% sem er aðeins lægra en á öðrum ársfjórðungi. Þá var hlutfallið 4% og laus störf 8.540 talsins.
Miðað við sama tímabil í fyrra voru 5.400 fleiri störf laus á þriðja ársfjórðungi og hækkaði hlutfall lausra starfa um 2,2 prósentustig á milli ára.