Hraðhleðslustöðvar bílaframleiðandans Tesla ná nú hringinn í kringum landið eftir þjóðvegi 1. Með opnun nýrra stöðva á Akureyri og Höfn í Hornafirði eru nú ætíð minna en 300 kílómetrar í næstu stöð hvar sem er á þjóðveginum, sem er vel innan færis fyrir fullhlaðna bíl frá Teslu.

Þetta kemur fram í tilkynningu frá Tesla.

Þar segir að Tesla merki mikla eftirspurn eftir nýjum rafbílum og samkvæmt tölum Samgöngustofu er nýútkominn Tesla Model Y langvinsælasti bill landsins um þessar mundir. Á eftir Model Y kemur Model 3, sem einnig er framleiddur af Tesla.

Þessa bíla og aðra sem Tesla framleiðir verður nú hægt að hlaða til fulls, um allt land, á innan við hálftíma.