mán. 25. okt. 2021 13:09
Viðræður um skiptingu deilistofna hófust í síðustu viku.
Viðræður hefjast á ný á miðvikudag

Viðræður um makríl á árlegum haustfundi strandríkja hófust á þriðjudag í síðustu viku og verða teknar aftur upp á miðvikudag, en þeim var frestað á fimmtudag.

Fundurinn er haldinn í Lundúnum og til umræðu eru makríll, norsk-íslensk síld og kolmunni, en engir heildarsamningar eru í gildi um þessa stofna og hefur því hver strandþjóð fyrir sig ákveðið aflamark.

Haustfundurinn hófst á makrílumræðum með hliðsjón af stjórnun, ráðgjöf, veiðitölum og ramma fyrir vísindamenn, sem munu taka saman yfirlit um líffræðilega dreifingu og veiði úr stofninum.

Þrýstingur hefur verið á stjórnvöldum strandríkjanna um að semja um veiðar úr deilistofnum en stórir kaupendur uppsjávarafurða hafa ákveðið að gefa strandríkjum í norðausturhluta Atlantshafs þrjú ár til að tryggja að veiðar á makríl, síld og kolmunna verði innan vísindalegrar ráðgjafar.

https://www.mbl.is/200milur/frettir/2021/10/19/strandrikin_raeda_stjornun_makrilveida/

til baka