Rithöfundurinn Steinunn Sigurðardóttir var að senda frá sér nýja bók, Systu megin. Bókin fjallar um utangarðsfólk. Aðalpersóna bókarinnar heitir Systa og býr ein í kjallarakompu við bágar aðstæður en hún ræður sér sjálf. Hún hefur losað sig undan ægivaldi móður sinnar. Það hefur bróðir hennar líka gert þótt þau lifi ólíku lífi. Systa lifir á dósunum sem hún safnar yfir daginn en hún á þó ekki mikið til að moða úr.
Í tilefni af útkomu bókarinnar fagnaði Steinunn í Máli og menningu þar sem hún las upp úr bók sinni og skemmti sér með gestunum.