Litlar íbúðir eru eftirsóttar en það eru kannski ekki allar eins sniðuglega innréttaðar og þessi sem er við Hraunteig í Reykjavík.
Um er að ræða 59 fm íbúð í húsi sem byggt var 1950.
Hugvitið var notað þegar hvítri eldhúsinnréttingu var komið fyrir en eldhús og stofa flæða saman í eitt. Í eldhúsinu eru borðplötur úr við og hvítar glansandi flísar með hvítri fúgu.
Í eldhúsinu eru opnar hillur með sniðugri lýsingu. Stofan er máluð í ljósum ferskjulit en eldhúsið er málað í mildum brúnum lit en þessir tveir litir spila vel saman. Gólf eru parketlögð og í forstofunni eru svartar og hvítar flísar. Heildarmyndin á íbúðinni er skemmtileg.