Eva Ruza flytur pistla um stjörnurnar á hverjum degi á sinn einstaka hátt á K100.
Love Island-heimurinn titrar um þessar mundir eftir að myndband af sveitastráknum ljúfa Will Young hefur farið um eins og eldur í sinu.
Í 48 sekúndna klippu má sjá Will skemmta sér konunglega ásamt vinum sínum í sundlaugarpartíi í Króatíu – að sjálfsögðu áður en þættirnir fóru í loftið þar sem þeir gerast í rauntíma.
Sést Will taka pínulítinn poka upp úr tösku sem hann er með hangandi utan á sér og í pokanum virðist vera hvítt duft ...
Hér má sjá myndbandið umrædda.
Will lítur í kringum sig áður en hann tekur pokann upp og snýr svo baki í myndavélina þannig að ekki sést hvað hann gerir við pokann.
Nú er fólk æst og heldur því fram að þarna hafi fíkniefnaneysla Wills náðst í beinni.
Will er búinn að vera gríðarlega vinsæll í villunni og sýnist mér þetta ekki ætla að hafa nein stórkostleg áhrif á vinsældir hans – allavega ekki ennþá.
ITV, sem framleiðir Love Island, klórar sér eflaust í hausnum núna, því fyrir stuttu var Haris Namani sendur heim úr villunni eftir að myndband af honum kýla annan mann birtust á samfélagsmiðlum.
Kallar fólk eftir því að betra bakgrunnstékk sé gert á keppendum til að koma í veg fyrir að draugar fortíðarinnar komi upp á yfirborðið.