Kjartan Guðbrandsson einkaþjálfari er fyrir löngu búinn að hasla sér völl sem einn færasti þjálfari landsins. Kjartan býr yfir þeim kosti að eiga auðvelt með að lesa í fólk og mæta því á þeim stað sem það er. Kjartan er þó ekki síður þekktur fyrir ákveðni og staðfestu í starfi sínu sem þjálfari enda hefur hann aðstoðað fjöldann allan af fólki við að ná árangri í líkamsrækt, mataræði og andlegu heilsufari og veit manna best hvað má gera betur í þeim efnum. 

„Númer eitt er það ómeðvitað át,“ segir Kjartan. „Þar sem þú ert að borða hlaupum og maturinn skiptir ekkert rosalega miklu máli.“ 

https://www.mbl.is/mogginn/dagmal/daegurmal/244506/

Að sögn Kjartans er streita helsta heilsufarsógn samfélagsins. Hann segir að í þeim tilfellum þegar hraðinn, stressið og streitan tekur yfir hversdagsleikann finni fólk sig gjarnan knúið til að stoppa á bensínstöð og ná sér í skyndibita til að henda ofan í sig í einum grænum. Í þessum aðstæðum geti stundum verið farsælla fyrir fólk að sleppa því að borða.

„Verkefni dagsins, streitan eða lætin, eða hlaupin skipta þig meira máli þannig þú hoppar bara inn á N1 og nærð þér í samloku og kókómjólk eða bara kók og pylsu,“ lýsir hann og segir næringu fólks þurfa að vera í samræmi við hreyfingu sem hver og einn framkvæmir daglega.

„Við úðum í okkur kolvetnum og því miður hækka þau blóðsykur og breytast í fitu. Við þurfum að hreyfa okkur.“