Viðbragðsaðilar óttast að Børsen kauphöllin kunni að hrynja vegna óhapps þegar kranaklippur losnuðu og festust á milli vinnupalla og veggja byggingarinnar.

Sænska lögreglan skaut og handtók mann sem lögreglan segir að hafi ráðist á þrjár konur með hníf í bænum Västerås.

Stjórnvöld í Kænugarði segjast hafa í fyrsta sinn skotið niður rússneska sprengjuflugvél.

Lögreglan í París hefur handtekið karlmann eftir að hafa fengið útkall frá írönsku ræðisskrifstofunni þar í obrg, um að einhver hefði gengið þar inn með sprengiefni í fórum sínum.

Stjórnvöld í Argentínu hafa farið fram á aðild að Atlantshafsbandalaginu (NATO) sem alþjóðasamstarfsríki.

Karlmaður hefur verið handtekinn í Póllandi, grunaður um að vera viðriðinn áform rússneskra leyniþjónusta um að ráða af dögum úkraínska forsetann Volodimír Selenskí.

Auknar áhyggjur eru af vaxandi útbreiðslu fuglaflensu í heiminum. Afbrigðið H5N1 hefur borist í dýrategundir sem áður var talið að væru ekki næmar fyrir afbrigðinu.

Ísrael gerði atlögu gegn bækistöð Sýrlands í suðurhluta landsins með flugskeytum, að sögn sýrlenskra yfirvalda.

Úkraínumenn segjast hafa skotið niður langdræga rússneska sprengjuflugvél af gerðinni Tu-22M3. Er þetta í fyrsta sinn síðan að stríðið hófst sem Úkraínumenn hafa skotið niður langdræga sprengjuflugvél.

Átta létust, þar á meðal tvö börn, í árásum Rússlands á Úkraínu í nótt.

Fjölmiðlar vestanhafs segja stjórnvöld í Ísrael hafa upplýst bandarísk stjórnvöld um fyrirætlanir sínar áður en Ísrael lét til skarar skríða. Bandaríkjamenn hefðu þó hvorki stutt aðgerðina né tekið þátt í henni.

Íranskir fjölmiðlar taka nú fyrir að Íran hafi orðið fyrir utanaðkomandi árás í kjölfar þess að nokkrir drónar voru skotnir niður og sprenginar heyrðust í grennd við Isfahan, borg um miðbik Írans.

Tveir bandarískir embættismenn hafa staðfest að ísraelskt flugskeyti hafi hæft Íran í nótt. Þeir vildu þó ekki veita upplýsingar um umfang eða staðsetningu árásarinnar.

Nú fyrir stundu bárust fregnir um sprengingar í Isfahan og Natanz í Íran.

Bandaríkjamenn beittu í kvöld neitunarvaldi gegn ályktun öryggisráðsins um fulla aðild Palestínumanna að Sameinuðu þjóðunum.

Sam Salehpour, verkfræðingur hjá Boeing-flugvélaverksmiðjunum, ljóstraði því upp fyrir bandarískri þingnefnd í gær að hann hefði sætt áreiti og hótunum af hálfu yfirmanna sinna og samstarfsmanna eftir að hann vakti opinbera athygli á brotalöm á öryggismálum farþegaflugvéla þessa stærsta flugvélaframleiðanda heims

Norski olíusjóðurinn hagnaðist um meira en 100 milljarða Bandaríkjadala á fyrstu þremur mánuðum ársins. Hagnaðurinn samsvarar rúmlega 14 bill­jón­um ís­lenskra króna. Heildarvirði sjóðsins nemur nú rúmum 225 billjónum íslenskra króna.

Búið er að velja 12 kviðdómendur í sakamálinu gegn Donald Trump, fyrrverandi forseta Bandaríkjanna.

Yfirmaður varnarmála í Kenía og níu aðrir háttsettir yfirmenn fórust í þyrluslysi á afskekktu svæði í Kenía í dag en þyrlan fórst skömmu eftir flugtak frá þorpinu Chesegon.

Evrópusambandið vill að það verði á nýjan leik auðvelt fyrir ungt fólk að búa, stunda nám og vinna í Bretlandi og öfugt.