Eftir Karl Gauta Hjaltason: „Ég tel ekki forsvaranlegt að formaður stjórnmálaflokks sitji yfir fjárreiðum hans með því að vera jafnframt prókúruhafi og gjaldkeri flokksins.“
Karl Gauti Hjaltason
Nú þegar nýtt ár er gengið í garð með öllum þeim væntingum sem jafnan eru í hugum fólks við slík tímamót er við hæfi að líta yfir farinn veg á liðnu ári.
Þjóðvegur til Eyja
Á vorþingi lagði ég fram frumvarp um að skilgreina betur ferjuleiðir við landið og að þjónusta við þessar leiðir yrði lögð að jöfnu við þjóðvegi landsins. Ég nefndi þær þjóðferjuleiðir í frumvarpi til breytinga á vegalögum. Í haust lagði ég frumvarpið aftur fram og nú með tilstyrk fleiri þingmanna úr Suðurkjördæmi. Þarna var ég að efna loforð við kjósendur í Eyjum sem kallað höfðu árum saman eftir bættri skilgreiningu á ferjuleiðinni til Eyja.