Í Sarajevó
Andri Yrkill Valsson
yrkill@mbl.is
Það er gríðarlega heitt í Bosníu og reiknað með allt að 35 stiga hita þegar Breiðablik mætir heimaliði Sarajevó rétt utan við borgina í lokaleik sínum í undanriðli Meistaradeildar kvenna í knattspyrnu í dag. Í húfi er farseðillinn í 32 liða úrslit keppninnar, en bæði lið hafa unnið hina tvo leiki sína í riðlinum.
„Þetta verður erfiðasti leikurinn, það er alveg klárt,“ sagði Sonný Lára Þráinsdóttir, markvörður og fyrirliði Breiðabliks, þegar blaðamaður Morgunblaðsins settist niður með henni á hóteli liðsins í gær sem staðsett er í fjalllendi ofan Sarajevó. Leikmenn og fylgdarlið voru þá flestir að skýla sér fyrir sólinni áður en haldið var á æfingu síðdegis.
Þrátt fyrir að dvelja dágóðan spöl frá æfinga- og keppnisvöllunum sem notaðir eru völdu mótshaldarar að hafa liðin frekar á hóteli uppi í fjöllunum en í miðri Sarajevóborg þar
...