Símon Ólason fæddist á Hnappavöllum í Öræfum, Austur-Skaftafellssýslu, 21. apríl 1951. Hann varð bráðkvaddur á Krít 23. ágúst 2019.
Símon var sonur hjónanna Guðrúnar Gísladóttur, húsfreyju á Hnappavöllum og síðar í Reykjavík, f. 27. desember 1926, d. 17. febrúar 2011, og Óla Runólfssonar, bónda á Hnappavöllum, síðar verkstjóra í Reykjavík, f. 20. nóvember 1920, d. 20. júní 2003. Þau skildu. Systur Símonar eru Sigríður Guðrún, f. 8. mars 1948; Guðný Kristbjörg, f. 2. mars 1950; Katrín Sigurrós, f. 20. október 1953; Sigurbjörg, f. 10. ágúst 1957; Helga, f. 16. júlí 1960.
Hinn 5. september 1982 kvæntist Símon eftirlifandi eiginkonu sinni, Þorbjörgu Jónsdóttur hjúkrunarfræðingi og framhaldsskólakennara, f. 22. júní 1942. Foreldrar hennar voru Jón Eiríksson, skattstjóri í Vesturlandsumdæmi, f. 14. mars 1916, d. 21. október 1997, og fyrri kona hans Anna Guðrún Jónsdóttir, húsfreyja, f. 29. júlí 1909, d. 11. janúar 1952.
...