Sigríður Einarsdóttir

Nú hefur Sigríður Einarsdóttir kvatt okkur orðin 100 ára. Það eru orðin mörg ár síðan ég sá hana fyrst, þá bjó hún ásamt foreldrum og bróður á Skarði sem var prestsetur sem var þá nýlegt, en þau bjuggu í gamla bænum sem var burstabær með torfþaki. Þetta var allt svo hlýlegt og notalegt hjá þeim. Sigga var svo dugleg í öllu, hvort sem það var úti eða inni.

Ég var bara 7 ára þegar ég kom fyrst til þeirra og var þar í þrjú sumur, svo voru systur mínar Fríða og Rúna seinna hjá þeim. Það voru alltaf vissar reglur og allir höfðu sitt hlutverk. En þarna var vinátta í heiðri höfð og góðir siðir, sem hafa haft góð áhrif á mann gegnum lífið. Það komu mörg börn á sumrin sem stoppuðu mislengi og hugsaði Sigga vel um þau. Svo liðu árin og öll mín börn hafa verið í sveit hjá þessari góðu fjölskyldu