Garðyrkjubóndi Gunnar Þorgeirsson, formaður Bændasamtaka Íslands, og fjölskylda hans rækta krydd, blóm og fleira í garðyrkjustöðinni Ártanga í Grímsnesi. Hann er í fullu starfi í félagsmálum og stjórnar Sigurdís Edda Jóhannesdóttir, kona hans, daglegum rekstri fyrirtækisins.
Garðyrkjubóndi Gunnar Þorgeirsson, formaður Bændasamtaka Íslands, og fjölskylda hans rækta krydd, blóm og fleira í garðyrkjustöðinni Ártanga í Grímsnesi. Hann er í fullu starfi í félagsmálum og stjórnar Sigurdís Edda Jóhannesdóttir, kona hans, daglegum rekstri fyrirtækisins. — Morgunblaðið/Kristinn Magnússon

Viðtal

Helgi Bjarnason

helgi@mbl.is

Gunnar Þorgeirsson, formaður Bændasamtaka Íslands, sér sóknarfæri víða í landbúnaði. Nefnir akuryrkju, framleiðslu nautakjöts og starf nýstofnaðs Matvælasjóðs. Þá eigi sauðfjárræktin tækifæri í aukinni sölu ef hægt væri að bjóða ferskt kjöt í lengri tíma og laga framboð kjöts að þörfum neytenda í nútímasamfélagi. Hann vekur athygli á því að tölum um útflutning ESB á kjöti ber ekki saman við innflutningstölur hér og veltir því fyrir sér hvort meira sé flutt inn en heimilt er. Hann finnur að því að stjórnsýslan skuli ekki hafa betra eftirlit með nýtingu tollkvóta samkvæmt milliríkjasamningum og krefst þess að þetta misræmi verði skýrt.

Staðan í landbúnaði er ágæt, að mati Gunnars. Faraldur kórónuveiru hafi ekki haft afgerandi áhrif. Ekki varð samdráttur í sölu á kjöti, í heildina, þótt sala á dýrustu steikunum hafi minnkað. Örlítill samdráttur hefur orðið í sölu

...