Eftir Sigurvin Lárus Jónsson: „Af hverju ljóð? Það sem er sagt í ljóði hreyfir við þeim sem hlusta á annan hátt en það sem er sagt án ljóðrænna tilbrigða.“
Biblían er safn fjölbreyttra bókmenntaverka sem verða til á löngu tímabili. Þar birtast margvísleg bókmenntaform og einstaka rit eru samsafn texta, þar sem lesandinn hendist á milli stílbrigða. Fyrstu bækur Biblíunnar, þær bækur sem við köllum Mósebækur og gyðingar kalla Tóru, eru sem dæmi að hluta prósi, að hluta laga- og helgiákvæði og að hluta ljóð. Fyrsta Mósebók, stórsaga Biblíunnar, hefst á ljóði og það ljóð er eitt áhrifamesta ljóð mannkynssögunnar.
Í upphafi skapaði Guð himin og jörð.
Við þekkjum ljóð þegar við heyrum það eða lesum. Á stuðlun, þegar samhljóðar standa saman eða þegar sérhljóðar kallast á, á rími, bæði innrími í setningum og endarími,
...