Þegar kerfismál fá allt plássið hjá meirihluta Reykjavíkurborgar og hneykslismálin finnast á hverju strái, stundum dönskum, eins og við höfum séð síðustu fjögur ár er mikilvægt að einhver sé í borgarstjórn með bæði augu opin. Aðeins einn flokkur gerir það af heilum hug og ætlar að halda því áfram – Miðflokkurinn.
Það er til dæmis ekki of seint að bjarga flugvelli okkar allra í Vatnsmýrinni, en til að það takist er nauðsynlegt að rödd Miðflokksins heyrist í borgarstjórn. Bara einn flokkur er afdráttarlaus í stuðningi sínum við að flugvöllurinn verði áfram í Reykjavík – Miðflokkurinn. Í dag er því beinlínis lífsnauðsynlegt fyrir völlinn að flugvallarvinir setji X við M. Aðeins þannig stöðvum við fyrirætlan borgarstjóra sem er leynt og ljóst að losna við völlinn með „tæknilegu rothöggi“.
Ekk er heldur of seint að stöðva Borgarlínuna. Þessir rándýru hugarórar oddvita Samfylkingarinnar eru lítt útfærðar skýjaborgir sem verða til þess
...