12 Ýmir Örn Gíslason, Elvar Örn Jónsson og Ágúst Elí Björgvinsson klappa stuðningsmönnum íslenska liðsins lof í lófa eftir sigurinn í lokaleiknum gegn Brasilíu á heimsmeistaramótinu í Gautaborg á sunnudaginn síðasta.
— Morgunblaðið/Kristinn Magnússon
HM 2023
Bjarni Helgason
bjarnih@mbl.is
Íslenska karlandsliðið í handknattleik hafnaði í 12. sæti á heimsmeistaramótinu sem nú stendur yfir í Svíþjóð og Póllandi.
Íslenska liðið fór nokkuð örugglega áfram í milliriðil eftir sigra gegn Portúgal og Suður-Kóreu í D-riðli keppninnar í Kristianstad en tap gegn Ungverjalandi í riðlakeppninni gerði það hins vegar að verkum að Ísland þurfti að vinna alla þrjá leiki sína í milliriðli II til þess að komast áfram í útsláttarkeppnina.
Liðið lagði Grænhöfðaeyjar örugglega í Gautaborg en tapaði gegn ríkjandi Evrópumeisturum Svíþjóðar. Fjögurra marka sigur gegn Brasilíu í lokaleik milliriðilsins, 41:37, dugði því ekki til til þess að komast áfram í 8-liða úrslitin og
...