Þorvaldur Þorvaldsson fæddist 29. september 1955. Hann lést 10. febrúar 2023.
Útför Þorvaldar fór fram 20. febrúar 2023.
Elsku tengdapabbi og afi. Orð fá ekki lýst því hversu mikill söknuður er nú hjá okkur öllum. Við erum endalaust þakklát fyrir þær yndislegu stundir sem við höfum fengið að njóta með þér. Þú hefur alltaf verið svo duglegur að gefa þér tíma fyrir alla og sérstaklega yngri kynslóðina með því að taka þau í skoðunarferð um húsið. Allir fengið að hringja bjöllunni frægu og ekki má gleyma klukkunni sem varð að opna og skoða aðeins inn í. Við tölum um þig daglega og skoðum myndir til að halda minningu þinni á lofti. Elsku Tobbi/afi hvíldu í friði, við elskum þig og munum sakna þín. Við skulum passa upp á hana Ellu þína/okkar.
Ósk, Matthías
...