Úti Markmið hönnuðanna með útilýsingunni var að draga fram glæsilegan arkitektúr kirkjunnar og gera kirkjuna að enn sterkara kennileiti.
— Ljósmyndir/Örn Erlendsson
Höskuldur Daði Magnússon
hdm@mbl.is
„Þetta er mikil viðurkenning fyrir okkur og hefur vakið athygli,“ segir Örn Erlendsson, verkfræðingur og ljósvistarhönnuður hjá lýsingarhönnunarfyrirtækinu Liska.
Liska vann til tvennra verðlauna á árlegri verðlaunaafhendingu alþjóðlegu ljóstæknisamtakanna, Illumination Engineering Society, IES, í Chicago í síðasta mánuði. Um er að ræða eina virtustu viðurkenningu í lýsingargeiranum á heimsvísu. Liska hlaut verðlaun fyrir hönnun sína við Hallgrímskirkju, annars vegar í flokki innanhússlýsingar og hins vegar utanhússlýsingar.
„Þetta er auðvitað staðfesting á að maður sé að gera hlutina rétt. Að sama skapi er þetta mikið aðdráttarafl fyrir kirkjuna að fá þessa viðurkenningu,“ segir
...