Hverjir voru Jeróbóam og Salómon?
Það vakti talsverða eftirtekt árið 2016 þegar blátt bann var lagt við því á vettvangi áströlsku strandgæslunnar að notast við kampavínsflöskur við athafnir þar sem nýjum skipum er gefið nafn. Löng hefð hefur skapast fyrir því víða um heim að flösku af kampavíni sé slengt utan í kinnung skipsins við slík tilefni, þannig að hún brotni í mél og hvítfyssandi vínið renni niður eftir skrokknum. Hefur þessi hefð þótt boða gæfu og farsæld viðkomandi skips en jafnframt fer nokkur hrollur um fólk þegar ekki tekst betur til en svo að flaskan kemst óbrotin frá skipsskrokknum.
En Ástralar telja sem sagt nú að athæfi af þessu tagi standist ekki nútímakröfur um umhverfisvernd og þar við situr. Flestir láta sér þó fátt um finnast og enn í dag má reglulega sjá myndir í fjölmiðlum þar sem ný skip fá nafn og „freyðibað“ um leið.
Það er gjarna við slík tilefni sem...