Bónus veltir 60 milljörðum

Við Guðmundur Marteinsson, framkvæmdastjóri Bónuss, mæltum okkur mót í höfuðstöðvum Bónuss í Skútuvogi í Reykjavík. Þær eru nú á hæðinni fyrir ofan fyrstu Bónus-verslunina sem þeir feðgar Jóhannes Jónsson og Jón Ásgeir Jóhannesson opnuðu laugardaginn 8. apríl árið 1989 við góðar undirtektir.

Við blaðamanni tekur sterklegur maður í svörtum gallabuxum og svörtum bol. Klæðnaðurinn rímar við þá ímynd að Guðmundur sé harður í horn að taka. Hann reynist þó hlýr og hógvær í viðkynningu.

Guðmundur vísar blaðamanni inn á litla skrifstofu með útsýni út á bílaplanið. Hún er laus við íburð og rúmar í mesta lagi tvo gesti. Á gólfum virðast vera flísar en Guðmundur útskýrir að...