Það eru fleiri fiskar í sjónum

Eflaust hafa ófáir lesendur fengið að reyna á eigin skinni hve erfitt það er að binda endi á langt hjónaband. Jafnvel þó að allt sé löngu farið í hundana og samvistirnar engum til ánægju þá er aldrei auðvelt að kveðja samferðamann til margra ára. Skilnaðarferlið tekur á – bæði andlega, líkamlega og fjárhagslega – og eftir það tekur yfirleitt við langt tímabil sjálfsskoðunar og hægfara uppbyggingar.

Þeir sem þekkja þessa lýsingu ættu líka margir að kannast við það að fá njósn af gamla makanum, mörgum árum eftir skilnaðinn, og það fyrsta sem kemur upp í hugann er: „Hvað var ég eiginlega að pæla að búa með þessum furðufugli í öll þessi ár?“

Eftir langdregið og sársaukafullt skilnaðarferli eru Bretar núna lausir og liðugir. Þeir eru ögn vankaðir eftir allt sem á undan er gengið en byrjaðir að ná áttum; búnir að sortera fataskápinn og farnir að mæta aftur í ræktina. Eins og margir nýfráskildir karlar á miðjum aldri líta Bretar m.a. til Austurlanda...