Nú leggja launþegarnir línurnar
Ásgeir Ingvarsson skrifar frá Playa del Carmen
Setja bókamerki
James Spader er einn af þessum ómótstæðilegu mönnum sem eldast eins og gott vín. Bandaríski stórleikarinn verður 62 ára á næsta ári og er ekki nærri því jafn spengilegur og hárprúður og hann var í Pretty in Pink um miðjan 9. áratuginn, en hann verður samt bara meira sjarmerandi með hverju árinu sem líður.
Spader er eins og skapaður fyrir aðalhlutverkið í sjónvarpsþáttaröðinni The Blacklist þar sem hann leikur stórglæpamanninn snjalla og andhetjuna Raymond Reddington. Reddington er maður sem hefur stjórn á öllu og öllum í kringum sig, en fær fólk á sitt band með því að nota persónutöfrana frekar en ofbeldi og hótanir – fluggáfaður, mælskur, uppátækjasamur og alltaf búinn að hugsa marga leiki fram í tímann.
Níunda þáttaröðin fór í loftið í október og ekki laust við að megi greina smá þreytu hjá handritshöfundunum, en ein stutt sena í áttundu þáttaröð var svo vel skrifuð að það bætti næstum því upp fyrir allar gloppurnar...