Uppgjörið við Albright
Hún var ein valdamesta kona heims og stýrði utanríkisstefnu Bandaríkjanna á erfiðu tímabili í sögunni. Margir hafa dáðst að Madeleine Albright en hún gerði þó ekki allt rétt.
Það var meira en blæbrigðamunur á þeim minningargreinum sem fjölmiðlar á Vesturlöndum skrifuðu um Madeleine Albright og þeim greinum sem birtust í fjölmiðlum í Mið-Austurlöndum.
Albright lést á miðvikudag í síðustu viku af völdum krabbameins. Hún var 84 ára gömul.
Grein New York Times undirstrikaði hvað Albright var afburðafær sem diplómati; hvers manns hugljúfi og fyrst kvenna til að gegna embætti utanríkisráðherra Bandaríkjanna. Al Jazeera birti hins vegar grein með yfirskriftina: „Minnumst Madeleine Albright fyrir það hver hún var í reynd“:
„Það vill oft gerast, þegar áhrifamiklir stjórnmálamenn falla frá, að umdeildu atvikin á starfsferli þeirra eru hvítþvegin til að sverta ekki minningu þeirra eða særa ekki aðstandendur. Gerðist þetta enn eina...