Fólk er að biðja um hjálp en veit ekki hvert það á að leita

„Þegar ég var nýbyrjaður hjá slökkviliðinu fór ég í tvö útköll með stuttu milli þar sem annar aðilinn hafði hengt sig og hinn var með skotvopn og kláraði sig þannig,“ lýsir slökkviliðsmaðurinn Bergur Vilhjálmsson þeim þungbæru aðkomum sem kunna að fylgja starfi slökkviliðsmanna. Í næstu viku mun Bergur ganga 400 km yfir Sprengisand með 100 kg sleða í eftirdragi til styrktar Píeta-samtakanna. Með framtakinu vill Bergur leggja sitt af mörkum við að vekja athygli á andlegri vanlíðan og aukinni sjálfsvígshættu fólks sem hann segir sjaldan eða aldrei hafa verið jafnmikilvægt og nú. Embætti land­lækn­is bend­ir á að mik­il­vægt sé að þeir sem glíma við sjálfs­vígs­hugs­an­ir segi ein­hverj­um frá líðan sinni, hvort sem er aðstand­anda eða hafi sam­band við Hjálp­arsíma Rauða kross­ins 1717, eða á net­spjalli 1717.is, við hjúkr­un­ar­fræðing í net­spjalli á heilsu­vera.is eða við ráðgjafa í síma Píeta-sam­tak­anna s. 552-2218. Píeta-sam­tök­in bjóða einnig upp á ráðgjöf og stuðning fyr­ir aðstand­end­ur þeirra sem glíma við sjálfs­vígs­hugs­an­ir. Fyr­ir þau sem misst hafa ást­vin í sjálfs­vígi bend­ir land­læknisembættið á stuðning í sorg hjá Sorg­armiðstöðinni í síma 551-4141 og hjá Píeta-sam­tök­un­um í síma 552-2218.