„Hættum bara að rífast yfir öllu alltaf“

Gauti Þeyr Másson er gestur Kristínar Sifjar í nýjasta þætti Dagmála. Gauti ræðir tónlistarferilinn, uppistandið með Púðursykri og alls konar samfélagsmál sem hann lætur sig varða. Hann segist vera kominn með upp í kok af þeirri leiðinlegu stemningu sem virðist ríkja í þjóðfélaginu og er orðinn langþreyttur á eintómum rifrildum á milli fólks. Segir hann lausnina við þessari samfélagsvá vera ofur einfalda; allir ættu að skella sér í sund á sama tíma, stunda virka hlustun og auka nánd og kærleika.