Hækkandi bótagreiðslur - aukið ofbeldi

Bótagreiðslur til þolenda ofbeldis hafa aukist verulega síðari ár. Halldór Þormar Halldórsson, starfsmaður Bótanefndar segir að síðustu tvö ár hafi mál á vegum nefndarinnar farið yfir fimm hundruð, hvort ár. Það er mikil aukning frá fyrri árum. Halldór Þormar er gestur Dagmála í dag og ræðir þar fyrirkomulagið á bótagreiðslum og þessa birtingarmynd aukins ofbeldis í samfélaginu. Íslenska ríkið greiðir út miska- og skaðabætur vegna ofbeldismála eftir að dómstólar hafa afgreitt mál. Hann telur tímabært að gera breytingar á þeim lögum sem nefndin vinnur eftir og er með ákveðnar tillögur í þeim efnum sem hann telur fela í sér réttarbætur. Að sama skapi telur hann rétt að huga að breytingum á hámarks- og lágmarks fjárhæðum sem nefndin er bundin af.