Hætta á að fjölmiðlar festist í vítahring

Lektor við Háskóla Íslands sem stýrir meistaranámi í blaða- og fréttamennsku hefur áhyggjur af stöðu fjölmiðla og blaðamennsku á Íslandi. Valgerður Jóhannsdóttir er reynslubolti í faginu og leiðir námið í HÍ. Hún segir vítahringinn blasa við þar sem færri blaðamenn þurfa engu að síður að vinna jafn mikið af efni. Það hafi í för með sér aukið álag og hún telur blaða- og fréttamenn á Íslandi í raun vinna kraftaverk á hverjum degi. Valgerður ræðir stöðu fjölmiðla og blaðamanna í Dagmálaþætti dagsins. Áhugi á náminu sem HÍ býður upp á er ekki mikill og telur Valgerður að neikvæð umræða um fjölmiðla kunni að spila þar inn í ásamt fleiri hlutum. Þátturinn í heild sinni er í boði fyrir áskrifendur Morgunblaðsins.