Viðskiptavinunum fjölgar - því miður

Endurhæfingar- og stuðningsmiðstöð fyrir fólk sem hefur greinst með krabbameins og aðstandendur þess, Ljósið leitar nú til fyrirtækja og almennings í landinu um fjárstuðning. Markmiðið er að stækka húsnæði samtakanna til að mæta þeim vaxandi fjölda sem þangað leitar. Gestir Dagmála í dag eru þær Erna Magnúsdóttir stofnandi og framkvæmdastýra Ljóssins og ljósberinn Hulda Halldóra Tryggvadóttir, en svo nefnast þeir einstaklingar sem leita til miðstöðvarinnar. Húsnæðið er löngu sprungið utan af starfseminni og það er stórt og verðugt verkefni að ráðast í stækkun. Það mun ekki nást nema með stuðningi þjóðarinnar. Átakið, Klukk, þú ert´ann er í gangi og það er ákall um stuðning.