Fjallahjólanámskeið

Kaupa Í körfu

Það kunna flestir íslenskir krakkar að hjóla og margir eiga hjól sem þeir fara flestra sinna ferða á. Við Íslendingar erum þó ekki jafn dugleg að hjóla og fólkið í flestum löndum í kringum okkur, kannski vegna þess hvað það er oft mikill vindur á Íslandi og líka vegna þess hvað það eru víða hólar og hæðir sem getur verið erfitt að komast yfir á hjóli. Það eru þó ekki allir sem láta þetta á sig fá og sumir krakkar leita meira að segja uppi torfærur til að spreyta sig á. Á sumrin geta áhugasamir krakkar á aldrinum ellefu til þrettán ára líka farið á tveggja vikna fjallahjólanámskeið hjá Siglunesi í Nauthólsvík. Þessi skemmtilegu námskeið snúast aðallega um það að ferðast á fjallahjólum bæði innanbæjar og utan en þó er líka farið í sund og sigið og klifrað í klettum. MYNDATEXTI: Lagt af stað frá Nauthólsvík.

Frekari upplýsingar

• SkráMBL0096317.jpg
• Breidd1763 dílar
• LjósmyndariEggert Jóhannesson
• Hæð1240 dílar
• MerkingMorgunblaðið/Eggert
• Dagsetning
• Fyrsta birtingLaugardagur, 7. ágúst 2004
• Slóð/myndasafn/mynd/126475/