Altaristafla í Borgarholtsskóla

Kaupa Í körfu

Nýstárleg altaristafla var afhjúpuð í gær í bílgreinasal Borgarholtsskóla, en hana höfðu unnið nemendur á listnámsbraut Borgarholtsskóla, þeir Sæmundur Þór Helgason, Sighvatur Halldórsson, Emil Örn Emilsson, Hafþór Jóhannsson og Gaston Sedran frá Argentínu. Altaristaflan er svonefnt götulistaverk, eða "graffiti-listaverk" og voru verkfæri listamannanna málningarúðabrúsar frekar en olíulitir. Verður taflan notuð við guðsþjónustur í Grafarvogssókn á sunnudögum framvegis og mun hún fyrst verða nýtt við aftansöng á aðfangadag í sal Borgarholtsskóla, en salurinn hefur þjónað efri byggðum Grafarvogs, þar sem ekki er nóg pláss í Grafarvogskirkju sjálfri fyrir alla íbúa Grafarvogs. Myndatexti: Nýja altaristaflan þar sem sjá má leið mannsins frá sköpun til náðar Guðs og þá sem ganga veginn til glötunar en eygja þó von um hjálpræði.

Frekari upplýsingar

• SkráMBL0083829.jpg
• Breidd4134 dílar
• LjósmyndariKristinn Ingvarsson
• Hæð1290 dílar
• MerkingMorgunblaðið/Kristinn
• DagsetningMiðvikudagur, 17. desember 2003
• Fyrsta birtingFimmtudagur, 18. desember 2003
• Slóð/myndasafn/mynd/112779/