Sverrir Ingi Ingason, landsliðsmaður í knattspyrnu og Hrefna Dís Halldórsdóttir dansari eru gift. Þau giftu sig í sólinni í Grikklandi þar sem þau eru búsett. Sverrir spilar með gríska liðinu Pan­athinai­kos. Hjónin eiga tvö börn saman.

Gestalistinn var íslenskum stjörnum prýddur. Það mætti halda að íslenska knattspyrnulandsliðið hefði mætt í heild sinni en á meðal gesta voru Rúrik Gíslason, Jóhann Berg Guðmundsson, Hörður Björgvin Magnússon, Aron Einar Gunnarsson, Alfreð Finnbogason og Guðlaugur Victor Pálsson. 

Smartland óskar hjónunum innilega til hamingju með daginn!